ឫសដំណាំរបស់អ្នកប្រែជាពណ៌ត្នោត ព្រោះអ្នកមើលរំលងអ្វីមួយដ៏សំខាន់

ឫសពណ៌ត្នោតបង្ហាញថា ទឹកមានអុកស៊ីសែនទាប។ កែលម្អ 3 ចំណុចសំខាន់៖ សីតុណ្ហភាពទឹក ខ្យល់ និងចរាចរទឹក។

ហេតុអ្វីឫសប្រែពណ៌ត្នោត

• ឫសពណ៌ត្នោតបង្ហាញអុកស៊ីសែនទាបក្នុងធុងទឹក។
• អុកស៊ីសែនទាបធ្វើឲ្យឫសលូតលាស់ខ្សោយ និងងាយរលួយ។
• EC និង pH អាចត្រឹមត្រូវ ប៉ុន្តែឫសនៅតែខូចបាន។

ចំណុចត្រូវគ្រប់គ្រង៖

សីតុណ្ហភាពទឹក

• រក្សាទឹកនៅចន្លោះ 18–22°C។
• ទឹកក្តៅមានអុកស៊ីសែនតិច និងជំរុញបាក់តេរីកើនឡើង ។
• រកទីតាំងមានម្លប់ ឬគម្រប ដើម្បីការពារពន្លឺថ្ងៃចូល ។
• កុំដាក់ម៉ូទ័រ អំពូល ឬ គ្រឿងអេឡិចត្រូនិកដែលសាយភាយកំដៅក្តៅនៅក្បែរធុងទឹក។

ខ្យល់

• គួរប្រើម៉ូទ័រខ្យល់បើចាំបាច់ ដែលសមស្របនឹងទំហំនៃធុង។
• សម្អាត ថ្មខ្យល់ រៀងរាល់សប្ដាហ៍។
• ប្តូរ ថ្មខ្យល់ ពេលពពុះចេញតិចទៅៗ ។
• បន្ថែម ថ្មខ្យល់ ទី 2 សម្រាប់ប្រព័ន្ធធំ។
• ពិនិត្យបំពង់ខ្យល់មើលថាតើមានធ្លាយ ឬបត់ឬទេ។

ចរាចរទឹក

• រក្សាលំហូរទឹកមិនដាច់ ។
• ទឹកដែលនៅនឹង ធ្វើឲ្យបាក់តេរីកើន និងអុកស៊ីសែនធ្លាក់ចុះ។
• សម្អាត ចម្រោះទឹករបស់មូទ័របើមាន ដើម្បីរក្សាកម្លាំងម៉ូទ័រ។
• លាងបំពង់រៀងរាល់សប្ដាហ៍បើធ្ងន់ធ្ងរ ។

ត្រួតពិនិត្យឫស និងការសម្អាត

• ឫសល្អតែងតែពណ៌ស។
• ឫសពណ៌ត្នោត ឬរអិល ផុយ បង្ហាញអុកស៊ីសែនទាប ។
• ក្លិនឆ្អួលបង្ហាញឫសចាប់ផ្តើមរលួយ។
• ត្រួតពិនិត្យឫសរៀងរាល់ពេលប្តូរទឹក។
• កាត់ឫសខូចចេញ ហើយបន្ថែមអុកស៊ីសឺនភ្លាមៗ។

ការថែទាំប្រចាំសប្ដាហ៍

• លាងធុងទឹករៀងរាល់ 7 ថ្ងៃ ករណីធ្ងន់ធ្ងរ ។
• ដោះស្រាយបញ្ហាស្លែឲ្យទាន់ពេល។
• ប្រើជក់សម្រាប់សម្អាតតាមជ្រុងបំពង់។
• រក្សាគម្របឲ្យស្អាត ដើម្បីការពារធូលី និងសត្វល្អិត។

លទ្ធផលដែលអ្នកនឹងឃើញ

• ឫសត្រលប់មកពណ៌សវិញ ពេលអុកស៊ីសែនកើនឡើង។
• រុក្ខជាតិទទួលជីបានលឿន។
• ស្លឹកស្រស់បំព្រង និងលូតលាស់លឿនក្នុងរយៈពេលខ្លី។
• ទិន្នផលកាន់តែប្រសើរ ពេលតំបន់ឫសមានស្ថិរភាព។